бөлімнің құрмет кітабы

(Почетная книга части)

ҚР Қарулы Күштері ішкі істер қызметі жөніндегі Ережеге сәйкес бөлім дәстүрлерін сақтау, мадақтау және әскери не саяси даярлық үздіктерінің озық тәжірибелерін тарату мақсатында жүргізілетін кітап. Б.қ.к-на әскери қызметтен босатылып, запасқа кететін соңғы жылғы қызметін өтеп жүрген сарбаздар (матростар), сержанттар (старшиналар), үздік көрсеткіштері бар, тәртібі жоғары, сонымен қатар әскери міндетін атқаруда ерекше көзге түскен әскери оқу орнын бітіретін курсанттар кіргізіледі. Б.қ.к-нда әскери қызметшілердің суреті мен оның жетістіктері немесе ерлігі қысқаша беріледі. Б.қ.к-на енген әскери қызметшілер бөлім командирі қол қойған мақтау қағаздармен марапатталады.